Yuxarı

Avropa İttifaqının rəsmiləri Bakıya gəlir

​Aİ rəsmiləri Bakıya gəlir

Bakı. 15 fevral. REPORT.AZ/ Fevralın 18-də Avropa İttifaqının (Aİ) Mobillik və Nəqliyyat üzrə Baş direktoru Henrik Hololeyin rəhbərlik etdiyi nümayəndə heyəti Azərbaycana səfər edəcək. 

Bu barədə “Report”a Nəqliyyat, Rabitə və Yüksək Texnologiyalar Nazirliyindən məlumat verilib.

Məlumata görə, səfər çərçivəsində Azərbaycanla Aİ arasında Yüksək Səviyyəli Nəqliyyat Dialoqunun ilk iclası keçiriləcək. İclasın fevralın 19-da keçirilməsi planlaşdırılır.

Tədbirdə aviasiya, dəniz və yol təhlükəsizliyi, Nəqliyyat İnvestisiya Planı, Avropa-Asiya Bağlantılar Strategiyası, rəqəmsal taxoqraflar, Vahid Aviasiya Məkanı üzrə Saziş layihəsi və bu kimi Aİ ilə Azərbaycan arasında nəqliyyat sahəsində əməkdaşlıq üzrə qarşılıqlı maraq kəsb edən məsələlər ətrafında fikir mübadiləsi aparılacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi