Yuxarı

​"Apple" yeni "iPhone 6s" və "iPhone 6s Plus" modellərini nümayiş etdirib

Yeni iPhone modeli əvvəlkilərdən tamamilə fərqlənir

Bakı. 10 sentyabr. REPORT.AZ/ "Apple" şirkəti San-Fransiskoda keçirilən geniş təqdimat çərçivəsində məşhur "iPhone" smartfonunun yeni modellərini təqdim edib.

"Report" xəbər verir ki, bu dəfə "Apple" qadcetlərinin pərəstişkarları əfsanəvi qadcetin dərhal iki versiyasına - "iPhone 6S" və "iPhone 6S Plus"a sevinəcəklər.

Şirkət rəhbəri Tim Kukun sözlərinə görə, yeni "iPhone" modeli əvvəlkilərdən tamamilə fərqlənir.

Qadcetin rəngləri sırasına yeni çəhrayı qızıl çaları əlavə olunub. Həmçinin "iPhone 6" üçün klassik olan tünd boz, gümüşü və qızılı rəngli korpuslar qalmaqdadır.

İstehsalçıların məlumatına görə, məşhur smartfonun yeni modellərində ikinüvəli prosessor, "Retina" displeyi var. "iPhone 6S" və "iPhone 6S Plus"da yeni texnologiyalar - "3DTouch" və "Force Touch" (Ekrana sıxdıqda telefon təzyiqin gücünü müəyyən edəcək) tətbiq ediləcək.

Yeni "A9" prosessoru əvvəlkindən 70% sürətlidir. Yeniliklər, həmçinin biometrik ötürücüyə də də toxunub. "Touch ID 2" də sürətli və dəqiq olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi