Zakir Həsənov Türkiyənin “Baykar Makina” şirkətində olub

Bakı. 31 mart. REPORT.AZ/ Türkiyəyə rəsmi səfəri çərçivəsində Azərbaycanın müdafiə naziri, general-polkovnik Zakir Həsənov pilotsuz uçuş aparatları istehsal edən “Baykar Makina” şirkətində olub.

Müdafiə Nazirliyinin Mətbuat xidmətindən "Report"a verilən məlumata görə, Z.Həsənov müəssisənin rəhbərliyi ilə görüşərək hərbi-texniki əməkdaşlıq məsələlərini müzakirə edib və şirkət tərəfindən istehsal olunan hərbi təyinatlı döyüş vasitələrinə baxış keçirib.