Novruz bayramı münasibətilə hərbi hissələrdə “Açıq qapı” günü keçirilib

Bakı. 20 mart. REPORT.AZ/ Novruz bayramı münasibətilə bütün hərbi hissələrdə “Açıq qapı” günü keçirilib.

“Report” Müdafiə Nazirliyinə istinadən xəbər verir ki, təşkil olunan tədbirdə ziyarətçilər, ictimaiyyət, kütləvi informasiya vasitələrinin nümayəndələri hərbi hissələrdə yaradılan yaşayış və məişət şəraiti ilə yaxından tanış olublar.

Rəhbər heyətin iştirakı ilə bütün hərbi hissələrdə keçirilən “Açıq qapı” günündə valideynlərlə görüşlər təşkil olunub, onları maraqlandıran məsələlərin müzakirəsi aparılıb, konsert proqramları və digər mədəni-kütləvi tədbirlər keçirilib.