Yuxarı

İran hərbi gəmiləri ikinci gündür Bakı limanında lövbər sala bilmir

İran hərbi gəmiləri ikinci gündür Bakı limanında lövbər sala bilmir
Gəmilərin ekipajları havanın yaxşılaşmasını gözləyir

Bakı. 19 oktyabr. REPORT.AZ/ İran hərbi gəmiləri ikinci gündür Bakı limanında lövbər sala bilmir.

"Report"un diplomatik mənbələrə istinadən verdiyi xəbərə görə, buna səbəb Azərbaycan paytaxtında müşahidə edilən əlverişsiz hava şəraitidir.

Gəmilər Xəzər dənizinin Azərbaycan hissəsindədir. Gəmilərin ekipajları havanın yaxşılaşmasını gözləyir ki, limanda lövbəd salıb tanışlıq səfərinə başlaya bilsin.

Qeyd edək ki, "Demavend" eskadra minaatan gəmisi və "Çoşun" raket daşıyan gəmisi oktyabrın 18-də Bakıya üç günlük səfərə gəlməli idilər. Səfər çərçivəsində 200 nəfərdən ibarət olan gəmilərin ekipajları Bakıyla tanış olmalı, azərbaycanlı həmkarları ilə görüş keçirməli, eləcə də Azərbaycan hərbçiləri ilə futbol üzrə yoldaşlıq matçı keçirməlidirlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi