Azərbaycan və Belarus arasında hərbi əməkdaşlığın perspektivləri müzakirə olunacaq

Bakı. 21 avqust. REPORT.AZ/ Azərbaycan Respublikası müdafiə nazirinin birinci müavini - Silahlı Qüvvələrin Baş Qərargah rəisi, general-polkovnik Nəcməddin Sadıkovun Belarus Respublikasına rəsmi səfəri başlayıb.

Müdafiə Nazirliyindən "Report"a verilən məlumata görə, ilk olaraq general-polkovnik N.Sadıkovun rəhbərlik etdiyi nümayəndə heyəti “Qəhrəman Brest qalası” memorial kompleksini ziyarət edərək burada Əbədi məşəlin önünə əklil qoyub.

Səfər çərçivəsində Azərbaycan və Belarus arasında hərbi əməkdaşlığın perspektivləri müzakirə olunacaq.