Bakı. 29 iyun. REPORT.AZ/ Azərbaycan "Ordu Oyunları-2018"in təşkilatçılarından biri olacaq.
"Report" Rusiya KİV-inə istinadən xəbər verir ki, Rusiyanın müdafiə naziri Sergey Şoyqunun sözlərinə görə, Azərbaycanla yanaşı, Rusiya, Belarus, Çin, Qazaxıstan, eləcə də İran və Ermənistan təşkilatçı qismində çıxış edəcək.
Oyunlar iyulun 28-dən avqustun 11-dək yeddi ölkənin poliqonlarında keçiriləcək.
Bu il Oyunlarda 32 ölkədən 181 komanda iştirak edəcək. Yarışmada ilk dəfə Afrika ölkələrindən, o cümlədən Əlcəzair və Sudanda hərbçilər çıxış edəcək. Bundan başqa, Vyetnam, Myanma, Pakistan və Filippindən olan əsgərlər ilk dəfə ustalıqlarını göstərəcəklər.