Yuxarı
    Bağlamaq

    ANAMA: ​Tərtərdə 1 ədəd top mərmisi və "Qrad" raketinin mühərrik hissəsi aşkar olunub

    Hazırda ANAMA ərazilərdə əməliyyatları davam etdirir

    Bakı. 7 iyun. REPORT.AZ/ Füzuli, Ağdam və Tərtər rayonlarında partlamamış hərbi sursat aşkar olunub. 

    Bu barədə "Report"a Azərbaycan Ərazilərinin Minalardan Təmizlənməsi üzrə Milli Agentliyindən (ANAMA) məlumat verilib. 

    Agentlikdən bildirilib ki, iyunun 7-də 5 ev və həyətyanı sahə, 5 əkin sahəsi, 31 partlayış yeri, 3 ədəd partlamamış hərbi sursat (1 ədəd 122 mm-lik top mərmisi, 1 ədəd 100 mm-lik top mərmisi və 1 ədəd 9M22U raketinin (Qrad) mühərrik hissəsi) aşkar olunaraq götürülüb və gün ərzində 61 710 kv. m ərazi təmizlənib.

    Məlumata görə, Tərtər rayonunun Şıxarx kəndində 4 ev və həyətyanı sahədə 4 partlayış yerinə baxış keçirilib və 29 min kv.m ərazi yoxlanılıb.

    Cəmilli kəndində 1 ev və həyətyanı sahədə 5 partlayış yerinə baxış keçirilib və 2 ədəd partlamamış hərbi sursat (1 ədəd 100 mm-lik top mərmisi və 1 ədəd 9M22U raketinin (Qrad) mühərrik hissəsi) aşkar edilərək götürülüb və  8 min kv.m ərazi yoxlanılıb.

    Ağdam rayonun Zəngişanlı kəndində 1 əkin sahəsində 1 partlayış yerinə baxış keçirilib, 1 ədəd partlamamış hərbi sursat (122 mm-lik top mərmisi) aşkar edilərək götürülüb və 8 min kv.m ərazi yoxlanılıb.

    Çəmənli kəndində isə 1 əkin sahəsində 18 partlayış yerinə baxış keçirilib və 15 min kv.m ərazi yoxlanılıb.

    Füzuli rayonunda Horadiz şəhərində 3 əkin sahəsində 3 partlayış yerinə baxış keçirilib və 1 710 kv. m ərazi yoxlanılıb.

    Qeyd edək ki, agentlik aprelin 7-dən iyunun 7-dək Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar rayonlarında, Mingəçevir, Sumqayıt və Bakı şəhərlərində 585 ev və həyətyanı sahə, 2 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 21 ferma, əkin sahələri və 1 çaxır zavodu ərazisinə baxış keçirib, 1 507 ədəd partlamamış hərbi sursat, 11 ədəd piyada əleyhinə mina (PMN), 3 ədəd piyada əleyhinə POMZ-2 və 7 ədəd tank əleyhinə mina aşkar olunaraq zərərsizləşdirilib.

    Hazırda ANAMA-da yaradılan xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi