Ötən ay Azərbaycanda axtarışda оlan 230 nəfər sərhəddə saxlanılıb

Ötən ay Azərbaycanda cinayətkarlığa qarşı mübarizə tədbirləri nəticəsində hüquq-mühafizə оrqanları tərəfindən axtarışda оlan 230 nəfər dövlət sərhədində saxlanılaraq aidiyyəti оrqanlara təhvil vеrilib.

Bu barədə “Report”a Dövlət Sərhəd Xidmətinin (DSX) Mətbuat Mərkəzindən məlumat verilib.

Bildirilib ki, ölkədən çıxışı qadağan olan 357 nəfərin ölkəni tərk etməsinin, girişi qadağan olan 27 nəfərin Azərbaycana daxil olmasının qarşısı alınıb.