Laçın rayonunun şərq hissəsində, Sarıbaba yüksəkliyinin şimal-qərb istiqamətində qanunsuz erməni silahlı dəstələrinin basdırdığı piyada əleyhinə mina sahəsi aşkar edilib.
Bu barədə "Report"a Müdafiə Nazirliyindən məlumat verilib.
Azərbaycan Ordusunun Mühəndis Qoşunlarının bölmələri tərəfindən ərazinin kəşfi aparılıb. Aşkar edilmiş minalar xüsusi hazırlıq keçmiş istehkam qrupu tərəfindən zərərsizləşdirilib.
Avqustun 15-də, bir gün ərzində, minalanmış sahədən ümumilikdə 991 ədəd PMN-E növlü piyada əleyhinə mina çıxarılaraq daşınıb və təhlükəsizlik qaydalarına riayət olunmaqla utilizasiya edilib.
Qeyd edək ki, bu istiqamətdə aşkar edilən minaların hamısı Vətən müharibəsindən sonra - 2021-ci ildə Ermənistanda istehsal olunub.
![](https://static.report.az/photo/fcfc6ab6-3a81-3756-8c4f-81e70129ba21_300.jpg)
![](https://static.report.az/photo/44acbdfc-38ce-33e0-a1e6-a6bfa9256dae_300.jpg)
![](https://static.report.az/photo/b776e5ed-85b2-3f44-9685-eeef744e4afd_300.jpg)
![](https://static.report.az/photo/e0e53bda-f3dc-37ce-96ed-ed9bdf6d0282_300.jpg)
![](https://static.report.az/photo/aae0c521-fa58-3203-8935-4052bc254715_300.jpg)