Bakı. 2 fevral. REPORT.AZ/ Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığına əsasən, fevralın 2-də müdafiə naziri general-polkovnik Zakir Həsənov və müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkovun rəhbərliyi altında Silahlı Qüvvələrin bütün qoşun növlərinin cəlb olunması ilə irimiqyaslı əməliyyat-taktiki təlimləri başlayıb.
Bu barədə “Report”a Azərbaycan Müdafiə Nazirliyinin mətbuat xidmətindən bildirilib.
Təlimlərə 15 000 nəfərədək şəxsi heyət, 300-dək zirehli texnika, raket və artilleriya qoşunlarının 200-dən artıq qurğusu, Hərbi Hava Qüvvələrinin 20-dək aviasiya vasitəsi, həmçinin qruplaşmanın havadan mühafizəsi məqsədilə hava hücumundan müdafiə bölmələri və müasir hava hücumundan müdafiə kompleksləri ilə silahlanmış zenit-raket birləşmələri cəlb edilib.
Ali Baş Komandanın göstərişinə əsasən, təlimlər zamanı birləşmə və hissələrin səfərbərlik tapşırıqlarının yerinə yetirilməsi səviyyəsinin yoxlanılması məqsədilə ehtiyatda olan 5 000 nəfərədək hərbi vəzifəli və 300-ə yaxın avtomobil texnikası təlimdə iştirak edir.
![](https://static.report.az/photo/218d3f03-fd24-4463-a578-91b262cb86cb_300.jpg)
![](https://static.report.az/photo/420e36db-5105-4a6d-99e0-5b8b565d51fd_300.jpg)
![](https://static.report.az/photo/4d6c58d4-fef9-4dfa-a4b9-a1a671d8a1d0_300.jpg)
![](https://static.report.az/photo/6db1e5d1-d592-44b1-befd-257243389f5e_300.jpg)
![](https://static.report.az/photo/add22ae8-bdf7-47fc-a51b-6934c5631d2d_300.jpg)
![](https://static.report.az/photo/b8742566-28e6-49ff-9591-b7fd4117de5f_300.jpg)
![](https://static.report.az/photo/bd75492b-4312-48e1-a675-196dbfe10689_300.jpg)
![](https://static.report.az/photo/d1ad3ba9-d464-48fb-a7f6-93fd3693f727_300.jpg)