Zaqatalada çoban dərəyə yıxılaraq ölüb - YENİLƏNİB

Zaqatalada çoban dərəyə yıxılaraq ölüb - YENİLƏNİB Zaqatala. 24 sentyabr. REPORT.AZ/ Zaqatala rayonunda dərəyə yıxılaraq ölən şəxsin adı məlum olub.
Hadisə
115
24 Sentyabr , 2018 15:43
Zaqatalada çoban dərəyə yıxılaraq ölüb - YENİLƏNİB
0 : 00
0 : 00

Zaqatala. 24 sentyabr. REPORT.AZ/ Zaqatala rayonunda dərəyə yıxılaraq ölən şəxsin adı məlum olub. 

"Report"un rayonun Dağlı kənd sakini, 1985-ci il təvəllüdlü Azər Səfər oğlu Orucov dərəyə yıxılıb. Ağır bədən xəsarətləri alan A.Orucov hadisə yerində ölüb. Onun meyitini dərədən çıxarmaq üçün hüquq-mühafizə orqanlarının əməkdaşları ilə birgə əraziyə bələd olan kənd sakinləri də cəlb edilib. 

Qeyd edək ki, A.Orucov orta məktəbi bitirdikdən sonra çobanlıqla məşğul olub. O, son bir neçə il idi ki, rayonun Yuxarı Tala kənd sakini, sahibkar Davud Şabanovun sürüsündə çobanlıq edirmiş.

Faktla bağlı araşdırma aparılır.

Xatırladaq ki, bu hadisə son iki ayda Zaqatala rayonu ərazisində ikinci, ümumilikdə, bölgədə üçüncü dəfə baş verən analoji hadisədir. 

Belə ki, iyul ayının 21-i Böyük Qafqaz sıra dağlarının Zaqatala rayonu ərazisindən keçən hissəsində çobanlıq edən, rayonun  Muxax kənd sakini, 1982-ci il təvəllüdlü Qurban İbrahim oğlu İbrahimov qayadan dərəyə yıxılaraq aldığı xəsarətlərdən hadisə yerində ölüb. Sentyabrın 14-ü isə Böyük Qafqaz sıra dağlarının Qax rayonunun İlusu kəndi yaxınlığından keçən hissəsində mürrəkkəb relyefli yüksək dağ massivində, yaylaq ərazidə çobanlıqla məşğul olan Qax şəhər sakini, Radiq Eldar oğlu Əsgərov dərəyə yıxılaraq aldığı ağır xəsarətlərdən hadisə yerində keçinib.


***13:22


Zaqatala. 24 sentyabr. REPORT.AZ/ Zaqatala rayonunda çoban dərəyə yıxılaraq ölüb.

"Report"un Zaqatala-Balakən bürosunun məlumatına görə, hadisə Böyük Qafqaz sıra dağlarının cənub ətəyinin rayon ərazisindən keçən hissəsində, "Maqatur Quzey" adlanan dağlıq yaylaq ərazisində baş verib.

Beləki, hələlik adı məlum olmayan və çobanlıqla məşğul olduğu deyilən yerli sakin mal-qara otararkən dərəyə yıxılaraq ağır bədən xəsarətləri alıb.  

Köməksiz vəziyyətdə qalan yaralı aldığı xəsarətlərdən hadisə yerində ölüb.

Faktla bğlı araşdırmalara başlanılıb. 

Son xəbərlər

Orphus sistemi