Zaqatala Məşğulluq Mərkəzinin direktoru intihar edib - YENİLƏNİB

Zaqatala Rayon Məşğulluq Mərkəzinin direktoru intihar edib.

"Report"un Şimal-qərb bürosunun məlumatına görə, hadisə gecə saatlarında Qax şəhərinin Cəfər Cabbarlı küçəsində, yaşayış evlərindən birində baş verib.

1980-ci il təvəllüdlü Musa Feyzulla oğlu Feyzullayev həmin evin həyətində özünü asıb. Onun meyiti anası tərəfindən aşkarlanıb.

Qeyd edək ki, 39 yaşlı Musa Feyzullayev Zaqatala Rayon Məşğulluq Mərkəzinin direktoru vəzifəsində işləyirdi.

Faktla bağlı araşdırma aparılır.

*** 07:29

Zaqatala rayonunda  orta yaşlı kişi intihar edib.

Belə ki, hələlik şəxsiyyəti məlum olmayan orta yaşlı kişi özünü yaşadığı evdə kəndirlə asaraq intihar edib.

Hadisə yerinə hüquq mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub.

Hadisə yerinə baxış keçirilib və intiharın səbəbləri araşdırlır.

Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Zaqatala rayon şöbəsinə yerləşdirilib.