Yevlaxda 60 yaşlı kişini maşın vurub

Yevlax. 6 oktyabr. REPORT.AZ/ Yevlax şəhərində piyadanın ağır xəsarət alması ilə nəticələnən yol qəzası baş verib.

"Report"un Qərb bürosunun məlumatına görə, şəhərin Füzuli küçəsində yolu keçmək istəyən 1958-ci il təvəllüdlü Məmmədov Qədir Məmməd oğlunu maşın vurub.

Müxtəlif bədən xəsarətləri alan piyada xəstəxanaya yerləşdirilib. Onun vəziyyətinin ağır olduğu bildirilir.

Faktla bağlı araşdırma aparılır.