Bakı. 21 iyun. REPORT.AZ/ Yaponiyanın cənub-qərb Kumamota prefekturasında güclü yağışlarla əlaqədar baş vermiş daqşınlar və sürüşmələr nəticəsində ən azı iki nəfər həlak olub, üç nəfər itkin düşüb. "Report" xəbər verir ki, bu haqda "NHK" telekanalı məlumat yayıb.
Prefektura rəhbərliyi 38 mindən çox sakinə leysanlara görə təxliyyə edilməyi məsləhət görüb. Bəzi rayonlarda saata 100 millimetrə qədər yağıntı düşür. Proqnozlara görə, Yaponiyanın cənub-qərbində güclü yağışlar çərşənbəyə qədər davam edəcək.
Apreldə baş vermiş güclü zəlzələlər səbəbindən Kumamotoda indiyə qədər 6,5 min nəfər təxliyyə edilib.
Zəlzələlərin yaratdığı dağıntılar və sürüşmələr nəticəsində bu bölgədə 49 nəfər həlak olub.