Abşeron rayonunun Xırdalan şəhəri ərazisində partladıcı və qumbaralar tapılıb.
Bu barədə “Report”a Fövqəladə Hallar Nazirliyinin (FHN) Mətbuat xidmətindən məlumat verilib.
Bildirilib ki, FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu və hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatların döyüş tətbiqinə yararlı 12 ədəd F-1 əl qumbarası, 4 ədəd UZRQM partladıcısı olduğu müəyyən edilib.
Sursatlar zərərsizləşdirilməsi üçün ərazidən götürülərək kənarlaşdırılıb.
![](https://static.report.az/photo/5220e2a8-526b-3850-92ba-5c1fa13b894c_300.jpg)
![](https://static.report.az/photo/3c826435-2f19-3fff-b02e-d59d7f91e67c_300.jpg)
![](https://static.report.az/photo/58fa0342-c678-3aae-904a-26cc4a4f28c3_300.jpg)