Xırdalanda 31 yaşlı kişini öldürməkdə şübhəli bilinən iki nəfər saxlanılıb - YENİLƏNİB

Xırdalan şəhərində qətli törətməkdə şübhəli bilinən şəxslər saxlanılıblar.

"Report"un yerli bürosunun əldə etdiyi məlumata görə, polis əməkdaşları tərəfindən keçirilən tədbirlə cinayət əməlini törətməkdə şübhəli bilinən 2008-ci il təvəllüdlü Ayxan Aslanov və 2006-cı il təvəllüdlü Ceyhun Cəbrayılov saxlanılaraq istintaqa təhvil veriliblər.

00:24

Xırdalanda mübahisə zamanı kişi bıçaqlanaraq öldürülüb.

"Report"un yerli bürosu məlumat verir ki, hadisə Yusif Məmmədəliyev küçəsində qeydə alınıb.

İlkin məlumata əsasən, 1995-ci il təvəllüdlü Abdullayev Rasif Rəhman oğlu mübahisə zamanı bıçaqlanıb. O, aldığı ağır xəsarətdən hadisə yerində ölüb.

R.Abdullayevə xəsarət yetirməkdə Ceyhun adlı şəxs şübhəli bilinir.

Faktla bağlı araşdırma aparılır.