Xəzərdə gün ərzində üçüncü dəfə zəlzələ baş verib - YENİLƏNİB-2

Xəzər dənizində bu gün üçüncü dəfə zəlzələ qeydə alınıb.

"Report" xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.

Qeyd edilib ki, təkanlar yerli vaxtla saat 10:52-də olub. 3,4 maqnitudalı zəlzələ ocağı 30 kilometr dərinlikdə yerləşib.

Seysmoloji Xidmət Mərkəzi həmçinin qeyd edib ki, bu gün Xəzər dənizində olan zəlzələlər zəif zəlzələlərdir:

"Maqnitudası 3-dən yuxarı olan yerli təkanlarla bağlı ictimaiyyət məlumatlandırılır".

Xəzər dənizində növbəti zəlzələ qeydə alınıb.

"Report" xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.

Zəlzələlərin tədqiqatı bürosunun məlumatına əsasən Xəzər dənizində Bakı vaxtı ilə saat 07.28-də 3,1 maqnitudalı zəlzələ qeydə alınıb.

Zəlzələ ocağı 30 kilometr dərinlikdə yerləşib.

Xəzər dənizində 3,0 maqnitudalı zəlzələ baş verib.

Bu barədə "Report"a Azərbaycan Milli Elmlər Akademiyası nəzdində Respublika Seysmoloji Xİdmət Mərkəzindən məlumat verilib.

Qeyd edilib ki, yeraltı təkanlar 26 dekabr Bakı vaxtı ilə 02:03-də qeydə alınıb.

Zəlzələ ocağının dərinliyi 63 kilometr olub.