Yerli vaxtla saat 16:46-da Lənkəran stansiyasından 80 km şimal-şərqdə Xəzər dənizində 3,2 maqnitudada ikinci zəlzələ qeydə alınıb.
"Report" xəbər verir ki, bu barədə AMEA nəzdində Seysmoloji Xidmət Mərkəzinin Zəlzələlərin Tədqiqatı Bürosu məlumat yayıb.
Zəlzələ ocağı 65 km dərinlikdə yerləşib.
Qeyd edək ki, bu, gün ərzində dənizdə qeydə alınan ikinci zəlzələdir. Daha əvvəl də Xəzər dənizində 3,4 maqnitudada zəlzələ qeydə alınıb. Məlumata görə, zəlzələ ocağı 11 km dərinlikdə yerləşib.