Xəstəxananın qabağında yeni doğulmuş körpə tapılıb

Bakı. 12 sentyabr. REPORT.AZ/ Bərdə rayonunda yeni doğulmuş oğlan uşağı tapılıb.

"Report" xəbər verir ki, bu barədə Daxili İşlər Nazirliyinin (DİN) rəsmi saytı məlumat yayıb.

Məlumata görə, sentyabrın 11-də Bərdə Rayon Mərkəzi Xəstəxanasının doğum şöbəsinin girişində yeni doğulmuş (təxminən 7 günlük) oğlan uşağı tapılıb.

Faktla bağlı araşdırma aparılır.