Xaçmazda evdə yanğın olub, xəsarət alan var

Xaçmaz rayonunda ümumi sahəsi 36 m² olan birmərtəbəli evin yanar konstruksiyaları və ev əşyaları 21 m² sahədə yanıb.

Bu barədə "Report" Fövqəladə Hallar Nazirliyinə (FHN) istinadən xəbər verir.

Məlumata görə, yanğın zamanı 1 nəfər xəsarət alıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.