Xaçmaz sakini ov tüfəngi ilə ehtiyatsız davranması nəticəsində yaralanıb

Bakı. 4 yanvar. REPORT.AZ/ Xaçmaz sakini ayağından güllələnib.

"Report" Daxili İşlər Nazirliyinin (DİN) rəsmi saytına istinadən xəbər verir ki, Xaçmaz rayonunun Gülalan kəndində yaşayan Mənsur Camalov həyətində ov tüfəngi ilə ehtiyatsız davranması nəticəsində açılan atəşdən ayaq nahiyəsindən xəsarət alıb.

O, xəstəxanaya yerləşdirilib.

Xaçmaz Rayon Polis Şöbəsinin əməkdaşları ondan müvafiq sənədləri olan "İJ-16" markalı tüfəng götürüblər.