Vətəndaşların Baş Prokurorluğun "qaynar xətt"inə etdikləri müraciət üzrə cinayət işi başlanıb

Vətəndaşların Baş Prokurorluğun "qaynar xətt"inə etdikləri müraciət üzrə cinayət işi başlanıb Hazırda iş üzrə istintaq tədbirləri davam etdirilir
Hadisə
475
8 Dekabr , 2014 11:59
Vətəndaşların Baş Prokurorluğun qaynar xəttinə etdikləri müraciət üzrə cinayət işi başlanıb
Bakı. 8 dekabr.REPORT.AZ/ Neftçala rayonundan olan bir qrup sakinin 161 saylı “Qaynar xətt” əlaqə mərkəzinə daxil olmuş müraciətləri Baş prokuror yanında Korrupsiyaya qarşı Mübarizə Baş İdarəsində araşdırılıb. Bu barədə "Report"a Baş Prokurorluğun mətbuat xidmətindən bildirilib.

Araşdırmalar zamanı özünü Fövqəladə Hallar Nazirliyinin əməkdaşı kimi təqdim etmiş Fidan Qarazadənin 2014-cü ilin iyun-oktyabr ayları ərzində Neftçala rayon sakinlərindən onları nazirliyin Dövlət Yanğından Mühafizə Xidmətinin ayrı-ayrı qurumlarına işə düzəldilməsini vəd edərək aldatma yolu ilə ümumilikdə 71 min manat məbləğində pul vəsaitini ələ keçirməsində şübhələr üçün əsaslar olduğundan fakta görə Cinayət Məcəlləsinin 178.3.2 (dələduzluq) və 310-cu (vəzifəli şəxsin səlahiyyətlərini mənimsəmə) maddələri ilə cinayət işi başlanıb.

Hazırda iş üzrə istintaq tədbirləri davam etdirilir.

Son xəbərlər

Orphus sistemi