Ukraynadan Azərbaycana ərzaq idxal edən şirkət cərimə edilib

Maliyyə Bazarlarına Nəzarət Palatası “Əvoa” MMC-nin inzibati qaydada 3030 ABŞ dolları cərimələnməsi barədə protokol tərtib edib.

"Report"un xəbərinə görə, Sabunçu Rayon Məhkəməsi protokola əsasən, şirkəti İnzibati Xətalar Məcəlləsinin (İXM) 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsi ilə təqsirli bilib.

Məhkəmə qərarından verilmiş apellyasiya şikayətinə Bakı Apellyasiya Məhkəməsində baxılır.

Qeyd edək ki, “Əvoa” MMC Ukraynadan ərzaq məhsuları (kolbasa, sosiska, kərə yağı, pendir) idxal edir.