Türkiyədə İnterpol vasitəsi ilə beynəlxalq axtarışda olan qadın Bakıda tutulub

Bakı. 5 noyabr. REPORT.AZ/ Türkiyədə axtarışda olan Azərbaycan vətəndaşı Bakıda tutulub. Bu barədə "Report"a Bakı şəhər Baş Polis İdarəsindən məlumat verilib.

İdarənin əməkdaşlarının keçirdikləri əməliyyat-axtarış tədbirləri nəticəsində Türkiyənin Cəza qanununun 450/7 və 492/1-ci maddələri ilə (qətl və oğurluq) 2000-ci ilin noyabrın 14-dən İnterpol vasitəsi ilə beynəlxalq axtarışda olan Bakı şəhər sakini, 1954-cü il təvəllüdlü Əminə Mirzəyeva yaxalanıb. 

O, Sabunçu Rayon Polis İdarəsinə təhvil verilib.