Türkiyədə ağır yol qəzası olub, ölənlər və yaralananlar var

Türkiyənin Rizə şəhərinin Ardeşen rayonunda üç avtomobilin iştirakı ilə baş vermiş yol-nəqliyyat hadisəsində iki nəfər ölüb, səkkiz nəfər yaralanıb.

“Report” xəbər verir ki, bu barədə “Anadolu” məlumat yayıb.

Ardeşen-Çamlıhemşin avtomobil yolunun 3-cü kilometrində Kenan Yeniçırakın idarə etdiyi avtomobil ilə sürücüləri müəyyən edilməyən iki avtomobil toqquşub.

Məlumat əsasında hadisə yerinə təcili tibbi yardım və jandarma qrupları göndərilib.

Qəzada Kenan Yeniçırak və Turan Kuyumcu hadisə yerində keçiniblər.

Yaralanan səkkiz nəfər şəhərin müxtəlif xəstəxanalarına yerləşdirilib.