Tovuz rayonunda baş verən zəncirvari qəza ağır bədən xəsarətləri alaraq xəstəxanaya yerləşdirilən şəxs orada ölüb.
"Report"un Qərb Mərkəzi xəbər verir ki, qəza nəticəsində motosikletin sürücüsü, 1984-cü il təvəllüdlü Babək Əliyev ağır xəsarət alıb. Yaralı xəstəxanaya aparılıb, lakin həkimlər tərəfindən göstərilən tibbi yardımlara baxmayaraq, onun həyatını xilas etmək mümkün olmayıb.
Faktla bağlı araşdırma aparılır.
***00:23
Tovuz rayonunda zəncirvari yol-nəqliyyat hadisəsi olub.
"Report"un Qərb Mərkəzinin məlumatına görə, hadisə "Jeep", "VAZ" markalı avtomobillərin və motosikletin iştirakı ilə baş verib.
Hadisə yerinə hüquq-mühafizə orqanlarının əməkdaşları və Təcili Tibbi yardım Stansiyasının həkimləri cəlb olunub.
Qəza zamanı motosikletin sürcüsü ağır bədən xəsarətləri alaraq Tovuz Rayon Mərkəzi Xəstəxanasına yerləşdirilib.
Faktla bağlı araşdırmalara başlanılıb.