Tovuzda uşaq dərman içərək zəhərlənib

Tovuz. 28 avqust. REPORT.AZ/ Tovuz rayonunda dərmandan zəhərlənmə hadisəsi baş verib.

"Report"un Qərb bürosunun məlumatına görə, rayonun 2014-cü il təvəllüdlü Qaraxanlı kənd sakini Məmmədzadə Tural Azər oğlu yaşadığı evdə nəzərətsiz olduğu zaman bilmədən dərman içərək zəhərlənib.

Valideynləri tərəfindən xəstəxanaya aparılan uşağa tibbi yardım göstərilib və o, palataya yerləşdirilib. Uşağın hazırda vəziyyətinin qənaətbəxş olduğu bildirilir.

Faktla bağlı araşdırma aparılır.