Tovuzda kafedə dava olub, xəsarət alanlar var

Tovuz. 29 iyun. REPORT.AZ/ Tovuz rayonunda kütləvi dava olub.

"Report"un Qərb bürosunun məlumatına görə, hadisə rayon mərkəzində yerləşən kafelərdən birində baş verib.

1990-cı il təvəllüdlü Abbasov Ruslan Arzuman oğlu kafedə tanımadığı 4 nəfər tərəfindən döyülərək kəllə-beyin travması alıb. O, xəstəxanaya yerləşdirilib. Dava zamanı qarşı tərəfdən də xəsarət alanın olduğu bildirilir.

Mübahisənin səbəbi hələlik məlum deyil.

Faktla bağlı araşdırma aparılır.