Tovuzda 7 yaşlı uşağı zəhərli böcək sancıb

Tovuz. 30 may. REPORT.AZ/ Tovuz rayonunda 7 yaşlı oğlanı zəhərli böcək sancıb.

"Report"un xəbərinə görə, rayonun Əlibəyli kəndində baş verən hadisə zamanı naməlum həşərat Elvin Məmmədovu ayağından dişləyib. Valideynləri zərərçəkəni Tovuz Rayon Mərkəzi Xəstəxanasına çatdırıb. Azyaşlıya tibbi yardım göstərilib.

Yaxınlarının sözlərinə görə, Elvin Məmmədovu zəhərli böcək həyətdə oynayan zaman sancıb. Xəstəxanadan verilən məlumata görə, zərərçəkənin vəziyyəti normaldır: "Onun həyatı təhlükəsi yoxdur".