Tovuzda 50 yaşlı kişi qardaşı oğlu tərəfindən döyülüb

Tovuz. 25 iyul. REPORT.AZ/ Tovuz rayonunda 50 yaşlı kişi qardaşı oğlu tərəfindən döyülüb. 

"Report"un Qərb bürosunun məlumatına görə, hadisə rayonun Əlibəyli kəndində qeydə alınıb.

Belə ki, kənd sakini, 1967-ci il təvəllüdlü Aydın İslam Oğlu Fərhadov mübahisə zəminində qardaşı oğlu tərəfindən döyülərək ağır kəllə-beyin travması alıb. 

Yaralı Tovuz Rayon Mərkəzi Xəstəxanasına yerləşdirilib və hazırda müalicəsi davam etdirilir. 

Faktla bağlı araşdırma aparılır.