Tovuz sakini yeznəsini bıçaqlayıb

Tovuz. 8 noyabr. REPORT.AZ/ Tovuz rayonunda bıçaqlanma hadisəsi olub.

"Report"un Qərb bürosunun məlumatına görə, rayon sakini, 2000-ci il təvəllüdlü Həsən Əliyev ailə münaqişəsi zəminində yeznəsi, 1994-cü il təvəllüdlü İzzət Əliyevi bıçaqlayıb. Yaralı xəstəxanaya yerləşdirilib. Onun vəziyyətinin ağır olduğu bildirilir.

Hadisəni törədən H.Əliyev isə polisə təslim olub.

Faktla bağlı araşdırma aparılır.