Ticarət mərkəzlərində 1700 manatlıq oğurluq edildi

Bakıda ticarət mərkəzlərində oğurluq edilib.

“Report”un xəbərinə görə, hadisə fevralın 7-də, günorta saatlarında, paytaxtın Qaradağ rayon ərazisində qeydə alınıb.

Belə ki, naməlum şəxs Sədərək Ticarət Mərkəzində yerləşən Bakı şəhər sakini T.Muradova məxsus mağazanın qarşısından 420 manat dəyərində kafel oğurlanıb.

Bundan başqa, naməlum şəxs fevralın 8-də 1973-cü il təvəllüdlü C.İsayevə məxsus ticarət mərkəzlərinin birində yerləşən mağazasının anbarından 1250 manat dəyərində kafel oğurlayıb.

Qaradağ Rayon Polis İdarəsinin 10-cu Polis Bölməsi əməkdaşlarının keçirdikləri əməliyyat-axtarış tədbirləri nəticəsində oğurluq hadisələrini törətməkdə şübhəli bilinən, paytaxt sakini 1973-cü il təvəllüdlü Ağamir Həsənov müəyyən olunaraq saxlanılıb.

Faktla bağlı araşdırma aparılır.