"Təmiz Şəhər" ASC-nin çeşidləmə zavodunda silah-sursat tapılıb - FOTO

Bakı. 3 sentyabr. REPORT.AZ/ "Təmiz Şəhər" ASC-nin çeşidləmə zavodunda məişət tullantılarının çeşidlənməsi zamanı silah-sursat tapılıb. "Report" xəbər verir ki, çeşidləmə zavodunda bir "Makarov" tipli qaz tapançası, "Valter" markalı tapança, 7.62 mm kalibrli patronlar, iki avtomat darağı, iki "RQD-5" əl qumbarası, "Makarov" və "TT" markalı tapançalara aid patronlar aşkarlanıb.

Tapılan silah-sursat hüquq-mühafizə orqanlarına təhvil veriləcək.

Tapılan silah-sursatın hamısı döyüşə yararlıdır.

Qeyd edək ki, zavod məişət tullantılarının çeşidlənməsi və yararsız materialların məhv edilməsi ilə məşğuldur.