Taleh Bağırovun müavini tutulub

Bakı. 15 mart. REPORT.AZ/ "Müsəlman Birliyi" Hərəkatı adlı təşkilatın təsisçisi və birliyin sədr müavini İsgəndərov Elxan Səyədullah oğlu saxlanılıb.

Bu barədə "Report"a vəkil Yalçın İmanov məlumat verib.

Onun sözlərinə görə, E.İsgəndərov ötən gecə polis əməkdaşları tərəfindən saxlanılıb: "Bu barədə onun yaxınları mənə məlumat verdi. Lakin hazırda onun harada saxlanıldığı barədə xəbər yoxdur".

Xatırladaq ki, "Müsəlman Birliyi Hərəkatı adlı təşkilatın sədri Taleh Bağırov 20 il müddətinə azadlıqdan məhrum edilib.