Sumqayıtda velosipeddən yıxılan 63 yaşlı kişi ölüb

Sumqayıt şəhərində bədbəxt hadisə baş verib.

“Report”un yerli bürosunun məlumatına görə, 1962-ci il təvəllüdlü şəhər sakini Qəfərov Zeynal Səhlədar oğlu Sumqayıtçay qəsəbəsi ərazisində - Bakı-Quba yolunun 30-cu kilometrində hərəkətdə olarkən idarə etdiyi velosipeddən yıxılıb.

O, aldığı xəsarətlərdən hadisə yerində ölüb.

Faktla bağlı araşdırma aparılır.