Sumqayıtda soyğunçuluq etməkdə şübhəli bilinən keçmiş məhkum tutulub

Bakı. 5 iyun. REPORT.AZ/ Sumqayıtda soyğunçuluq etməkdə şübhəli bilinən şəxs saxlanılıb.

Daxili İşlər Nazirliyinin mətbuat xidmətindən "Report"a verilən məlumata görə, Sumqayıt Şəhər Polis İdarəsinin 4-cü Polis Bölməsinə müraciət edən şəhər sakini F.Rüstəmzadə iyunun 4-də 14-cü məhəllə ərazisində mobil telefonunun açıq talama yolu ilə alındığını bildirib.

Əməliyyat tədbirlərinə başlayan polis əməkdaşları qısa zamanda soyğunçuluğu törətməkdə şübhəli bilinən şəxsi müəyyən edərək saxlayıblar. Bakı şəhər sakini olan, əvvəllər məhkum olunmuş Camal Mikayılov törətdiyi əməli etiraf edib.

Faktla bağlı araşdırma aparılır.