Sumqayıtda 22 yaşlı gənci avtomobil vurub

Sumqayıt. 4 avqust. REPORT.AZ/ Sumqayıtda 22 yaşlı gənci avtomobil vurub.

"Report"un yerli bürosunun verdiyi məlumata görə, hadisə şəhərin 30-cu məhəlləsində baş verib.

Belə ki, Sumqayıt şəhər sakini 1996-cı il təvəllüdlü Şərifov Mürsəl Nizami oğlu 30-cu məhəllə ərazisində yolu keçərkən naməlum avtomobil tərəfindən vurulub. Yaralı ağır vəziyyətdə Təcili Tibbi Yardım avtomobili ilə xəstəxanaya çatdırılıb. Sürücü isə məsuliyyətə cəlb olunub.

Faktla bağlı araşdırma aparılır.