Yuxarı

Siyəzəndə yol qəzasında ölənlərin şəxsiyyəti məlum olub - SİYAHI - YENİLƏNİB

Siyəzəndə yol qəzasında ölənlərin şəxsiyyəti məlum olub - SİYAHI - YENİLƏNİB
Faktla bağlı araşdırma aparılır

Bakı. 25 avqust. REPORT.AZ/ Siyəzən rayonunun Beşdam kəndində “VAZ” və “Daewoo” markalı iki minik avtomobilinin toqquşması nəticəsində ölənlərin şəxsiyyəti məlum olub.

“Report” FHN-in saytına istinadən xəbər verir ki, hadisə yerinə cəlb olunmuş Dövlət Yanğından Mühafizə Xidmətinin müvafiq xilasetmə qüvvələri “VAZ” markalı minik avtomobilində sürücü, 1990-cı il təvəllüdlü Məhəmməd Vahid oğlu Güləliyevin, sərnişin, 1990-cı il təvəllüdlü Seymur Gülağa oğlu Güləliyevin və “Daewoo” markalı minik avtomobilində sürücü, 1991-ci il təvəllüdlü Vasif Əjdər oğlu Quliyevin və sərnişin, 1969-cu il təvəllüdlü Aidə Eldar qızı Quliyevanın sıxılmış vəziyyətdə qalmış meyitlərini nəqliyyat vasitələrindən çıxararaq aidiyyəti üzrə təhvil veriblər.

Qəza zamanı ölən digər iki nəfər isə 1989-cu il təvəllüdlü Nigar Mirzə qızı Qəhrəmanova və 2009-cu il təvəllüdlü Raul Ramil oğlu Abdullayevdir. 2007-ci il təvəllüdlü Ruslan Rizvan oğlu Qəhrəmanov isə hadisə nəticəsində yaralanıb.


***16:59

Siyəzən. 25 avqust. REPORT.AZ/ Siyəzən rayonunda minik avtomobillərinin toqquşması nəticəsində 6 nəfər ölüb, 1 nəfər yaralanlb.

"Report"un Şimal bürosunun verdiyi məlumata görə, rayon ərazisində 53 BB 675 dövlət qeydiyyat nişanlı "VAZ-2107" və 99 AR 259 qeydiyyat nişanlı "Daewoo" markalı minik avtomobillərinin toqquşması nəticəsində 2 qadın, 1 uşaq və 3 kişi olmaqla 6 nəfər hadisə yerində ölüb, 1 uşaq isə ağır yaralanıb. Azyaşlı Siyəzən Mərkəzi Rayon Xəstəxanasına yerləşdirilib.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi