Siyəzəndə sərnişin avtobusu dağdan aşıb - YENİLƏNİB

Siyəzən.17 iyul.REPORT.AZ/ Siyəzən rayonunda baş vermiş hadisədə yaralanmış daha iki nəfərin kimliyi məlum olub.

"Report"un xəbərinə görə, bunlar 1982-ci il təvəllüdlü Elçin Balabəyov və 1988-ci il təvəllüdlü Cavid Əzimovdur. 

---

*** 23:49

Siyəzən.16 iyul.REPORT.AZ/ Siyəzəndə baş vermiş ağır yol qəzasında yaralananların adları bəlli olub

Bu gün Siyəzən rayonunda baş vermiş ağır yol qəzasının bəzi təfərrüatları bəlli olub. Hadisə zamanı yaralananlar Siyəzən Regional Diaqnostika Mərkəzinə aparılıb. "Report"un Şimal bürosu hadisə zamanı yaralanan şəxslərin bəzilərinin adlarını öyrənə bilib:

Salamov Pərviz Fəxrəddin oğlu- 1990 təvəllüdlü

Ağayev Ceyhun Qəhrəman oğlu -1988 təvəllüdlü

Balabəyov Firuz Canlar oğlu - 1981 təvəllüdlü

Cəbrayılov Cəlil Ayətşah oğlu - 1991 təvəllüdlü

Digər yaralıların da adlarını öyrənməyə çalışacağıq.

Xatırladaq ki, hadisə zamanı mikroavtobusda 15 nəfər olub.

---

*** 22:42

Siyəzən. 16 iyul. REPORT.AZ/ Siyəzən rayonunda ağr yol qəzası baş verib. "Report"un Şimal bürosunun məlumatına görə, hadisə az öncə baş verib. Siyəzən-Məşrif-Qalaltı marşrutu üzrə hərəkət edən Mercedes markalı mikrotavtobus dərəyə yuvarlanıb. Hadisə zamanı mikroavotobusda 15 nəfər olub. 8 nəfər yaralı olduğu bildirilib. 

Siyəzən rayonundan hadisə yerinə 3 təcili tibbi yardım briqadası gedib.