Şirvanda avtomobil piyadanı vuraraq ağır yaralayıb

Şirvan. 8 dekabr. REPORT.AZ/ Şirvan şəhərində piyadanın vurulması ilə nəticələnən yol-nəqliyyat hadisəsi baş verib.

“Report”un Mil-Muğan bürosunun məlumatına görə, şəhərin “köhnə bazar” adlanan ərazisində “Ford tranzit” markalı avtomobil sərxoş vəziyyətdə olan Şirvan sakini, 1981-ci il təvəllüdlü Mənsimov Rauf Afiq oğlunu vurub.

Nəticədə piyada kəllə-beyin travması diaqnozu ilə komatoz vəziyyətdə Şirvan Şəhər Xəstəxanasının Reanimasiya şöbəsinə yerləşdirlib. Vəziyyətinin ağır olduğu bildirilir.

Faktla bağlı Şirvan polis şöbəsi tərəfindən araşdırma aparılır.

Bundan əvvəl Bərdədə piyadanı avtomobil vurub.