Şəmkirdə kütləvi dava zamanı bir nəfər bıçaqlanıb

Şəmkir. 9 may. REPORT.AZ/ Şəmkir rayonunda kütləvi dava zamanı bir nəfər bıçaqlanıb.

"Report"un Qərb bürosunun məlumatına görə, hadisə rayonun Dəllər qəsəbəsində baş verib.

Dava zamanı bıçaq xəsarəti alan 1958-ci il təvəllüdlü Şəmkir rayon sakini Məmmədov Nizami Səməd oğlu qarın nahiyəsindən əməliyyat olunub.

Onun kim tərəfindən bıçaqlandığı hələlik məlum deyil.

Hadisə ilə bağlı araşdırma aparılır.