Şəmkir. 14 sentyabr. REPORT.AZ/ Şəmkirdə avtomobilin vurduğu piyada dünyasını dəyişib.
"Report"un Qərb bürosu xəbər verir ki, 1998-ci il təvəllüdlü Musayev Çingiz Gündüz oğlu xəstəxanada keçinib.
***21:30
Şəmkir. 13 sentyabr. REPORT.AZ/ Axşam saatlarında Şəmkirdə piyadanın vurulması ilə nəticələnən yol-nəqliyyat hadisəsi baş verib.
"Report"un Qərb bürosunun məlumatına görə, hadisə Şəmkir rayon Seyfəli kənd sakini, 1998-ci il təvəllüdlü Çingiz Gündüz oğlu Musayev yolu keçmək istəyən zaman baş verib.
Ağır kəllə-beyin travması alan piyada hadisəni törədən sürücü tərəfindən Gəncə şəhər Təcili Tibbi Yardım Xəstəxanasına, oradan isə Gəncədəki özəl xəstəxanaların birinə aparılıb.
Fakta bağlı araşdırma aparılır.