Şəmkirdə avtomobil qəzası olub 

Şəmkir rayonunda yol-nəqliyyat hadisəsi baş verib. 

"Report"un Qərb Mərkəzinin məlumatına görə, hadisə rayonun Əliyaqublu kənd ərazisində qeydə alınıb.  

Belə ki, "VAZ-21021" markalı nəqliyyat vasitəsi yük avtomobili ilə toqquşub.

Qəza nəticəsində minik avtomobilində olan 1 nəfər xəsarət alıb və təcili tibbi yardım avtomobili illə xəstəxanaya aparılıb.

Hadisənin təfərrüatları araşdırılır.