Şəkidə yol qəzası baş verib, xəsarət alanlar var

Şəki şəhərində 3 nəfərin xəsarət alması ilə nəticələnən yol-nəqliyyat hadisəsi baş verib.

"Report"un Şimal-qərb bürosunun məlumatına görə, hadisə şəhərin Sabit Rəhman küçəsində qeydə alınıb.

Belə ki, hərəkətdə olan "Kia" və "VAZ-2107" markalı avtomobillərin toqquşması nəticəsində üç nəfər müxtəlif dərəcəli bədən xəsarətləri ilə Şəki Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.