Səhər saatlarında Bakıda 20 yaşlı gənc bıçaqlanıb

Bakı. 4 dekabr. REPORT.AZ/ Səhər saatlarında Bakıda bıçaqlanma hadisəsi baş verib. "Report"un məlumatına görə, 1994-cü il təvəllüdlü İsayev Əli Həsən oğlu Nizami rayonu Babək prospektində yerləşən dəmir yol xəttinin yaxınlığında naməlum şəxs tərəfindən bıçaqlanıb. 20 yaşlı gənc ağır vəziyyətdə 1 saylı Şəhər Xəstəxanasına yerləşdirilib. Yaralının həyatı həkimlər tərəfindən xilas edilib. Hadisə ilə bağlı Dəmir Yol Nəqliyyatında Polis İdarəsinin əməkdaşlarına məlumat verilib. Hadisənin hansı səbəbdən və kim tərəfindən törədildiyi araşdırılır.