Saray qəsəbəsində zəncirvari avtomobil qəzası baş verib

Abşeron rayonunun Saray qəsəbəsində dörd avtomobilin iştirakı ilə zəncirvari yol-nəqliyyat hadisəsi baş verib.

"Report"un yerli bürosunun məlumatına görə, qəza Məhəmməd Əsədov küçəsində qeydə alınıb.

Belə ki, "BYD" və "Chevrolet" markalı minik avtomobilləri toqquşub. Toqquşmadan sonra idarəetmədən çıxan "Chevrolet" yol kənarında dayanmış "Ford" və "Range Rover" markalı avtomobillərə çırpılıb.

Hadisə nəticəsində avtomobillərə ziyan dəyib.