Samuxda yol qəzası baş verib, xəsarət alan var

Samux. 24 noyabr. REPORT.AZ/ Samux rayonunda yol qəzası baş verib.

"Report"un Qərb bürosunun məlumatına görə, "Mercedes" və "VAZ-2107" markalı avtomobillərin toqquşması nəticəsində 1990-cı il təvəllüdlü Bəhrəm Bayram oğlu İsmayılov müxtəlif dərəcəli bədən xəsarətləri alıb. 

Yaralı Samux Rayon Mərkəzi Xəstəxanasına yerləşdirilib. Onun vəziyyəti orta-ağır olaraq qiymətləndirilir.

Faktla bağlı araşdırma aparılır.