Samux sakini iş zamanı laqundayla ayağını kəsib

Samux. 16 aprel. REPORT.AZ/ Samux rayonunda 53 yaşlı kişi bədbəxt hadisə nəticəsində ağır xəsarət alıb.

"Report"un Qərb bürosunun məlumatına görə, hadisə rayonun Sərkər kəndində baş verib.

Kənd sakini, 1965-ci il təvəllüdlü Azad Yəhya oğlu Həsənov laqundayla ağac kəsən zaman ehtiyatsızlıqdan ayağına xəsarət yetirib. O, xəstəxanaya yerləşdirilib.

Faktla bağlı araşdırma aparılır.