Şamaxı sakini həmyerlisi tərəfindən bıçaqlanıb

Şamaxı. 22 iyun. REPORT.AZ/ Şamaxı rayonunda həmyerlisini bıçaqlayan şəxs saxlanılıb.

"Report" xəbər verir ki, rayon sakini Tariyel Novruzov bıçaqlanıb. Yaralı Şamaxı Rayon Mərkəzi Xəstəxanasına yerləşdirilib. Xəstəxanadan bildirilib ki, T.Novruzov əməliyyat olunub, vəziyyəti orta-ağırdır.

Şamaxı rayon Polis Şöbəsinin (RPŞ) əməkdaşları tərəfindən keçirilən əməliyyat-axtarış tədbirləri zamanı T.Novruzovu bıçaqlamaqda şübhəli bilinən rayon sakini Gülqardaş Hüseynov tutulub.

Faktla bağlı araşdırmalar davam etdirilir.